طلاب جامعة المنصورة في اجازة نصف العام: سفر ورحلات وكوره

طلاب جامعة المنصورة في اجازة نصف العام: سفر ورحلات وكوره
كتب -

طلاب جامعة المنصورة في اجازة نصف العام: سفر ورحلات وكوره

المنصورة – محمد عبد الغفار:

تشغل اجازة نصف العام عقول الشباب،خاصة طلاب الجامعات، رغم الاحداث الجارية على الساحة ،فمنهم من قرر استغلالها فى السفر والرحلات، ولعب الكرة والقراءة.

قال علاء زيدان الطالب بكلية التجارة:” مش بفكر في أي حاجة غير إني أشارك بقوة في الحياة السياسية، وإننا ننجح في استرداد ثورتنا، وإن البلد يمشي حاله” .

وأضاف عبد الله جعفر، طالب بكلية الآداب، أقضى أغلب وقتي  في التدريب ضمن فريق السنبلاوين، وبعدين ممكن أخرج مع أصدقائي بالليل، لكن التركيز الأكبر بيكون على تماريني لأن الكورة مستقبلي”.

وأوضحت نوران فؤاد الطالبة بكلية الطب، أنها ستحضر دورة إسعافات أولية ،بالإضافة لاستغلال وقتها فى القراءة، وزيارة الأسكندرية، وأشار أسامة حسن الطالب بكلية التجارة الى انه يستغل الإجازة في العمل، وكورسات الخط العربي، بالإضافة إلى مشاركته مع مجموعة “منصورة رنرز” ،التى  بدأت فكرتها منذ فترة وجيزة .

وقال عبد العزيز الفقي الطالب كلية الصيدلة “هلعب كورة، وهاخد دورات وناوي أطور مواهبي في الرسم والشعر، لكن مفيش عندي خطة منظمة ،وممكن أحاول أتدرب على حاجة خاصة بمجال دراستي ،وابدأ أعرف أكثر عن هذا الجانب من ناحيته العملية”،وأضاف أحمد ناجي الطالب بكلية الطب  أنا ناوي أسافر  إلى الإسكندرية، ولما بقعد في البيت بتفرج على التلفزيون وبخرج بالليل مع أصدقائي فقط”، أما عبد الله خليل الطالب بكلية الآداب قال: “للأسف هروح تربية عسكرية، والمفروض أخلصها وانزل رحلة لأي مكان، أخد راحة من الدراسة، وهرجع الكلية بعد ما الدراسة تبدأ بفترة، علشان أعرف أركز فيها تاني”.